Tailand və Kamboca arasında atəşkəs əldə olunub

Malayziyanın baş naziri Ənvər İbrahim Tailand və Kambocanın sərhəddə atəşkəslə bağlı razılıq əldə etdiklərini açıqlayıb.

Aztime.az xəbər verir ki, bu barədə Malayziyanın “Bernama” agentliyi məlumat yayıb.

Məlumata görə, tərəflər qoşunların sərhəddən çıxarılması üçün bir müddət vaxt istəyiblər.

Tailandın Xarici İşlər Nazirliyi atəşkəs səylərinə görə Malayziyanın baş nazirinə minnətdarlığını bildirib, eyni zamanda mövcud əməliyyat vəziyyətinin nəzərə alınmasının vacibliyini vurğulayıb.