İran və Beynəlxalq Atom Enerjisi Agentliyi razılığa gəldilər

İran və Beynəlxalq Atom Enerjisi Agentliyi (BAEA) ölkədə təftişlərin bərpa edilməsi barədə razılığa gəliblər.

Aztime.az-ın xəbərinə görə, bu barədə qurumun rəhbəri Rafael Qrossi “X” sosial şəbəkə hesabında yazıb.

O qeyd edib ki, müvafiq sənəd Qahirədə İranın xarici işlər naziri Abbas Əraqçı ilə imzalanıb.

“Bu, düzgün istiqamətdə atılmış mühüm addımdır”, – deyə o vurğulayıb.

Xatırladaq ki, iyunun 25-də İran parlamenti BAEA ilə əməkdaşlığın dayandırılması haqqında qanun layihəsini təsdiqləmişdi.