Ağcabədidə sərnişin avtobusu minik avtomobili ilə toqquşub

Ağcabədidə sərnişin avtobusu minik avtomobili ilə toqquşub. Hadisə şəhərin H.Əliyev prospektində baş verib.

“Aztime.az“ Trend-ə istinadən xəbər verir ki, “Mercedes” markalı 04 BO 112 dövlət nömrəli sərnişin avtobusu “VAZ”2107 markalı 10 OF 442 dövlət nömrəli minik maşını ilə toqquşub.

Qəza zamanı 2 nəfər xəsarət alıb. Yaralılar Ağcabədi Mərkəzi Rayon Xəstəxanasına çatdırılıb.

Faktla bağlı araşdırma aparılır.