İranda SEPAH-ın təlim helikoperi qəzaya uğrayıb

İran İslam Respublikasının Fars əyalətində İran İslam İnqilabı Keşikçiləri Korpusunun (SEPAH) təlim helikopteri qəzaya uğrayıb.

“Azad İran” “Telegram” kanalı bu barədə İran KİV-ə istinadən xəbər verib.

Məlumata görə, SEPAH-ın quru qüvvələri bölmələrindən birinin təlim missiyasına cavabdeh olan və SEPAH-ın aviasiyasına məxsus helikopter eniş zamanı Zərindəşt şəhəri yaxınlığında qəzaya uğrayıb.

Qeyd olunub ki, qəza zamanı helikopterdə olan şəxslərdən biri yaralanaraq xəstəxanaya aparılıb.