UEFA Çempionlar Liqası: İlk oyun gününün ən yaxşı futbolçuları bəlli olub

UEFA Çempionlar Liqasının Liqa mərhələsinin ilk oyun günündə keçirilən altı görüşün ən yaxşı futbolçuları bəlli olub.

Oxu.Az xəbər verir ki, “Yanq Boyz” – “Aston Villa” görüşünün ən yaxşısı Yuri Tilemans, “Yuventus” – PSV qarşılaşmasının ən yaxşısı isə türkiyəli ulduz futbolçu Kenan Yıldız seçilib.

“Milan” – “Liverpul” qarşıdurmasında fərqlənən futbolçu Rayan Qravenberx olub. 11 qolun vurulduğu “Bavariya” – “Dinamo Zaqreb” görüşünün ən yaxşısı isə Harri Keyn seçilib.

“Real Madrid” – “Ştutqart” matçında isə komandanın qolkiperi Tibo Kurtua digər oyunçulardan fərqlənməyi bacarıb. “Sportinq” – “Lill” qarşılaşmasında Viktor Qyokereş matçın adamı seçilib.

Qeyd edək ki, qrup mərhələsinin daha altı görüşünə bu gün Bakı vaxtı ilə saat 20:45-də start veriləcək.