Goranboyda inzibati binadan oğurluq edən şəxs saxlanıldı

Goranboyda inzibati binadan oğurluq edən şəxs saxlanılıb.

Daxili İşlər Nazirliyinin Mətbuat Xidmətinin Gəncə regional qrupundan Oxu.Az-a verilən məlumata görə, Goranboy rayonunda yerləşən inzibati binadan 880 manat dəyərində elektrik avadanlığının oğurlanması barədə Goranboy Rayon Polis Şöbəsinə məlumat daxil olub.

Polis əməkdaşlarının keçirdikləri tədbirlərlə cinayəti törətməkdə şübhəli bilinən, həmin binada mühafizəçi işləyən Elşən Cəlilov saxlanılıb.

Faktla bağlı araşdırmalar davam etdirilir.

Oxu.Az-ın əldə etdiyi məlumata görə, oğurluq Goranboy Rayon İstilik Sistemləri İstismar Sahəsindən edilib.