Somalidə dövlət üsul-idarəsi dəyişdi

Somali parlamenti ümumi birbaşa seçki hüququnun tətbiqini və prezident idarəetmə formasına keçidi təsdiqləyib.

Parlamentin aşağı palatasının spikeri Şeyx Adan Mohamed Noor bildirib ki, hər iki palatadakı qanunvericilər konstitusiyanın dəyişdirilmiş fəsillərini yekdilliklə təsdiqləyiblər.

Gözlənildiyi kimi, yenilik iyunun 30-na təyin edilmiş növbəti regional seçkidə tətbiq olunacaq.

2026-cı ilin mayına təyin edilmiş növbəti prezident seçkisində baş nazir postunu vitse-prezident əvəz etməlidir. Yerli seçkilər qapalı siyahı üzrə proporsional sistemlə keçiriləcək və yalnız iki partiyanın iştirak edəcəyi milli seçkilər üçün əsas olacaq.

Mənbə: TASS