Mərakeşə güclü qar yağıb

Mərakeşin mərkəzi, cənub-şərq və cənub bölgələrində bir sıra əyalətlərə qar və leysan yağış yağıb, soyuq temperatur hökm sürür.

Oxu.Az xəbər verir ki, bu barədə “Maghreb Arabe Press” xəbər agentliyi məlumat yayıb.

Ölkənin 10-a yaxın əyalətində geniş ərazilər qalın qar təbəqəsi ilə örtülüb. Bəzi yerlərdə qar təbəqəsinin hündürlüyü 35-40 sm-ə çatır, havanın temperaturu mənfi 5 dərəcəyə enib.