Qəhrəman pilotumuzun adı Ukraynada əbədiləşdiriləcək
Ukraynada AZAL-ın Aktau yaxınlığında qəzaya uğrayan sərnişin təyyarəsinin pilotlarından biri Aleksandr Kalyaninovun adı əbədiləşdiriləcək.
Oxu.Az xəbər verir ki, bu barədə Ukraynanın Azərbaycandakı səfiri Yuriy Husyev özünün “X” hesabında yazıb.
Onun sözlərinə görə, Ukraynanın Kropivnitskidəki Dövlət Uçuş Akademiyasının sinif otaqlarından birinə Azərbaycanın Milli Qəhrəmanının adı veriləcək.
“Bu, gələcək aviasiya işçilərini ilhamlandırır. Onun mirası yaşayacaq”, – səfir yazıb.
Qeyd edək ki, Aleksandr Kalyaninov məhz adıçəkilən akademiyanın məzunu olub.
A classroom at Ukraine’s State Flight Academy in Kropyvnytskyi will be named after Oleksandr Kalyaninov, National Hero of Azerbaijan and a graduate of the academy. This tribute honors his heroic sacrifice and inspires future generations of aviators. His legacy will live on. #AZAL pic.twitter.com/P0QFzNseWk
— Yuriy Husyev (@Husyev) December 29, 2024
