Rusiya XİN-dən İrəvana qulaqburma: 102 saylı hərbi baza barədə xatırlatma

“Ermənistanda Rusiyanın 102-ci hərbi bazasının mövcud olması respublikanın suverenliyinin yeganə real təminatıdır”.

Bununla bağlı Rusiya Xarici İşlər Nazirliyi (XİN) bəyanat verib.

Rusiya XİN qeyd edib ki, Aİ Ermənistanı yalnız Avropa üçün resurs və mənfəət mənbəyi kimi qəbul edir və Brüsseldə respublikanın maraqlarını və prioritetlərini müəyyən etmək istəyir.

Qeyd edək ki, Rusiya XİN-in müvafiq açıqlaması İrəvanın anti-Rusiya xarakterli addımları fonunda Ermənistana qulaqburma kimi qəbul edilib. Həmçinin sosial şəbəkənin Rusiya seqmentində Kremlin Ermənistandakı hərbi bazasından Paşinyan hakimiyyətinə qarşı istifadə etməsi üçün çağırışlara da start verilib.

Mənbə: TASS