Şahzadə Diananın ailəsinin Londondakı keçmiş iqamətgahı hərracda satılıb

Londonda Şahzadə Diananın ailəsinin keçmiş iqamətgahı qısa müddətdə satılıb.

Oxu.Az bu barədə kp.ru-ya istinadən xəbər verir.

Məlumata görə, ev hərracda yerləşdirildikdən iki həftədən çox qısa müddətdə alıcısını tapıb.

Bu iqamətgah Meyfer rayonunda Farm Street, 24 ünvanında yerləşir, Diana Kral Çarlzdan boşandıqdan sonra tez-tez buraya gəlirdi. Georgian üslubunda tikilmiş ev 1980-ci illərin əvvəllərində inşa edilib. 1990-cı ildə şahzadənin atası Con Spenser onu ikinci həyat yoldaşı Reyn Spenserə hədiyyə edib. 2000-ci illərin əvvəllərində qrafinya malikanəni kolleksiyaçılara satıb və indiyə qədər onlarda qalıb. İndi ev naməlum alıcı tərəfindən 14.2 milyon dollara alınıb.

Dördmərtəbəli malikanənin fasadı bəzəkli krem rəngindədir. 464 kvadratmetr sahədə beş yataq otağı, qəbul zalı, dəbli mətbəx-yemək otağı, qonaq otağı, kitabxana və bir neçə hamam otağı var. Hər mərtəbəyə liftlə qalxmaq mümkündür və damda rahat terras var.