Türkiyədə meşə yanğınında 10 yanğınsöndürən həlak olub

Türkiyənin Eskişehir vilayətinin Seyitqazi rayonunun Büyükyayla məhəlləsi yaxınlığında yerləşən meşə ərazisində naməlum səbəbdən yanğın baş verib.

Aztime.az xəbər verir ki, bu barədə “Haber Global” telekanalı məlumat yayıb.

Məlumata görə, yanğını söndürmək məqsədilə Eskişehir Regional Meşə Təsərrüfatı İdarəsinin briqadaları hadisə yerinə cəlb olunub.

Bildirilir ki, yanğınla mübarizə zamanı meşə təsərrüfatının 10 əməkdaşı həlak olub.