Özbəkistan prezidentinin Azərbaycana rəsmi səfərinin vaxtı açıqlandı

Özbəkistan Prezidenti Şavkat Mirziyoyev Azərbaycan Prezidenti İlham Əliyevin dəvəti ilə avqustun 22-23-də respublikada dövlət səfərində olacaq.

Bu barədə Özbəkistan Prezidentinin Mətbuat Xidməti məlumat yayıb.

“Azərbaycan Respublikasının Prezidenti İlham Əliyevin dəvəti ilə Özbəkistan Respublikasının Prezidenti Şavkat Mirziyoyev avqustun 22-23-də bu ölkəyə dövlət səfərində olacaq. Səfər proqramında iki ölkə liderinin iştirakı ilə yüksəksəviyyəli danışıqların və digər tədbirlərin keçirilməsi nəzərdə tutulur”, – xəbərdə deyilir.

O cümlədən, gündəliyə ikitərəfli strateji tərəfdaşlıq münasibətlərinin inkişafı və prioritet istiqamətlər üzrə praktiki əməkdaşlığın genişləndirilməsi məsələlərinin müzakirəsi daxildir.

Mətbuat Xidmətinin məlumatına görə, danışıqların yekununda bir sıra ikitərəfli sazişlərin imzalanması planlaşdırılır.