Azərbaycan parataekvondoçusu Cənubi Koreyada çempion oldu

Azərbaycan təmsilçisi İmaməddin Xəlilov Cənubi Koreyanın Çunçeon şəhərində keçirilən dünya açıq parataekvondo turnirində qızıl medal qazanıb.

Azərbaycan Milli Paralimpiya Komitəsindən verilən məlumata görə, 70 kiloqram çəki dərəcəsində çıxış edən idmançı bütün rəqiblərini qabaqlayaraq, fəxri kürsünün ən yüksək pilləsinə qalxıb.

Qeyd edək ki, İmaməddin Xəlilov daha əvvəl Niderlandın Rotterdam şəhərində keçirilmiş Avropa çempionatında da qızıl medal əldə edib.