Lukaşenko Qərbin Belarus və İrana qarşı sanksiyalarını iqtisadi terrorizm adlandırdı

“Belarus kollektiv Qərb tərəfindən Minsk və Tehrana qarşı tətbiq edilən məhdudlaşdırıcı tədbirləri iqtisadi terrorizm hesab edir”.

Aztime.az-ın “BELTA” nəşrinə istinadən xəbərinə görə, bu sözləri Belarus Prezidenti Aleksandr Lukaşenko İran Prezidenti Məsud Pezeşkianla danışıqların yekununda jurnalistlərin suallarını cavablandırarkən deyib.

Prezidentin sözlərinə görə, Belarus və İran beynəlxalq əməkdaşlığın məsul iştirakçılarıdır və suveren dövlətlər arasında ümumi dəyərləri və qarşılıqlı fəaliyyət prinsiplərini bölüşürlər. Onlar çoxqütblü dünyanın qurulmasına çalışırlar ki, burada hər bir ölkə kənardan müdaxilə olmadan müstəqil şəkildə öz inkişaf yolunu müəyyən edə bilər.

“Respublikalarımız bu təcavüzkar və ikiüzlü sanksiya müharibəsinə uğurla müqavimət göstərir”, – deyə Aleksandr Lukaşenko vurğulayıb.

O, həmçinin Belarusun İranı mühüm siyasi və iqtisadi tərəfdaş kimi nəzərdən keçirdiyini də vurğulayıb.