Konfrans Liqası: “Fənərbağça” 1/4 finalda Yunanıstan klubu ilə qarşılaşacaq

UEFA Konfrans Liqasında 1/4 final və yarımfinal mərhələlərinin püşkü atılıb.

Oxu.Az-ın məlumatına görə, İsveçrənin Nyon şəhərində baş tutan püşkatma mərasimində 1/4 finaldakı cütlərlə yanaşı, yarımfinalda üz-üzə gələcək potensial rəqiblər də müəyyənləşiblər.

Ən güclü səkkiz komanda arasında yer alan Türkiyənin “Fənərbağça” klubu növbəti raundda Yunanıstan təmsilçisi “Olimpiakos”la qarşılaşacaq.

1/4 final:

“Brügge” (Belçika) – PAOK (Yunanıstan)

“Olimpiakos” (Yunanıstan) – “Fənərbağça” (Türkiyə)

“Aston Villa” (İngiltərə) – “Lill” (Fransa)

“Viktoriya” (Çexiya) – “Fiorentina” (İtaliya)

Yarımfinal:

“Aston Villa” / “Lill” cütünün qalibi – “Olimpiakos” / “Fənərbağça” cütünün qalibi

“Viktoriya” / “Fiorentina” cütünün qalibi – “Brügge” / PAOK cütünün qalibi

Qeyd edək ki, 1/4 final mərhələsinin oyunları aprelin 11-də və 18-də, yarımfinalın matçları isə mayın 2-də və 9-da keçiriləcək. Final görüşü mayın 29-da Afinadakı “Ayasofiya” stadionunda baş tutacaq.