Hisslərinizi və istedadlarınızı üzə çıxarın. “Nine Senses” ilk ildönümünü qeyd etməyə hazırlaşır – FOTO/VİDEO

Martın 21-də – gecə-gündüz bərabərliyi günündə “Nine Senses” incəsənət mərkəzi ilk ildönümünü qeyd edəcək.

İncəsənət ocağının yaranmasından bir il ötür. Bu, qürur və sevinc səbəbidir. Ötən il ərzində “Nine Senses” 420 master-klas keçirib, 90 xeyriyyə aksiyası və mühazirə təşkil edib, altı sərgi təqdim edib.

Mərkəzin işinin mühüm hissəsi üç fərqli məkanda mindən çox iştirakçını birləşdirən beynəlxalq mənəvi və fiziki təcrübələr festivalı olub.

“Biz Azərbaycanda müdrik ruhani müəllimləri cəlb etməkdən qürur duyuruq, onlar auditoriyaya pulsuz giriş ilə mühazirələr aparırlar. Bu, yaradıcılığı və özünüinkişafı hər kəs üçün əlçatan etmək öhdəliyimizin bir hissəsidir. Bu yaz bərabərliyi və yenilənmə gününü yeni mövsüm biletləri təqdim etməklə qeyd edirik. Buna yetkinlər, uşaqlar və ailələr üçün paketlər daxildir – ailənin hər bir üzvünün paralel olaraq inkişaf etmək imkanı olmalıdır. Ən sərfəli qiymətə bütün fəaliyyətlərimizi özündə cəmləşdirən üzvlüklər təklif edərək sizi icmamızın bir hissəsi olmağa dəvət edirik. Gələcək festivallar və ailə yaradıcılıq layihələri ilə bağlı böyük planlarımız var, onlar haqqında tezliklə öyrənəcəksiniz”, – deyə “Nine Senses”in akademik direktoru Natalya Jukova bildirib.

Saat 11:00-dan 18:00-a kimi hər kəs rəsm dərslərində, neyroqrafiya, suda rəsm, animasiya və rəqəmsal fotoqrafiya dərslərində iştirak edə, meditasiya və özünə kömək nəfəsalma texnikalarını öyrənə, səs vannası qəbul edib canlı musiqiçiləri dinləyə və evdə qala bilər, axşam isə sağlam yemək kafesi “Vida”da ola bilər.

Həmin gün “Nine Senses” studiyasının yeni animasiya filminin təqdimatı planlaşdırılır. Təxminən üçmetrlik art-obyektin rənglənməsi üzrə yaradıcılıq tamaşası düz mərkəzin yaxınlığındakı küçədə keçiriləcək.

Proqramı sizə təqdim edirik:

11:00 – Qafar Qənizadə ilə yoqa;

11:00 – Fərid Rzayevlə “Art Lab”;

12:00 – Fərhad Sadıxovla səs terapiyası seansı;

13:00 – Açılış mərasimi:

– İncəsənət mərkəzinin hesabat videosunun nümayişi;

– “Harri Potter və Sirr – Naynsensburq” cizgi filminin premyerası. Film haqqında film.;

– Studiya tələbələrinin animasiya videoları;

– Mərkəzin müəllimlərinin mini təqdimatı;

14:00 – Canlı musiqi ilə yoqa+kriya – Qafar Qənizadə;

14:00 – Edqar Hüseynovla salsa;

14:00 – İlkin Zəfərli ilə animasiya studiyası;

15:00 – İlhamə Şirinova ilə nəfəs alma texnikası;

15:00 – Anna Monastırskaya ilə neyroqrafiya;

16:00 – Tibet oxuma qabları ilə vokal yoqa və müalicəvi səs seansı – İlhamə Babayeva;

14:00-16:00 Rəssam Fərid Rzayevin art-obyekt çəkmək üzrə küçə performansı!

Əlavə məlumat və yuxarıda qeyd olunan tədbirlərə qeydiyyat üçün əlaqə saxlaya bilərsiniz: (055) 255-54-12.

Qeyd edək ki, Xəzər dənizinin sahilində yerləşən “Nine Senses” yaradıcılıq və özünüinkişaf məkanıdır.

“Unlock your inner artist” şüarı insanı öz hisslərini və istedadlarını üzə çıxarmağa həvəsləndirir, həmişə yaratmaq, şəkil çəkmək, rəqs etmək və özünü ifadə etmək arzusunda olan daxili uşağı üzə çıxarmağa imkan verir. Mərkəzin missiyası – bədən, ruh, zehin inkişafıdır.

Mərkəzdə bədən quruluşu təcrübələri, maarifləndirici və əyləncə proqramları, meditasiya dərsləri, sərgilər və film nümayişləri, eləcə də bütün yaşlar üçün və üç dildə animasiya məktəbi fəaliyyət göstərir.