İsrail azad edilmiş 154 fələstinlini başqa ölkəyə deportasiya edəcək

İsrail azad edilmiş 154 fələstinli məhbusun Misirə deportasiyası prosesinə başlayıb.

Aztime.az xəbər verir ki, bu barədə “Əl-Cəzirə” telekanalı Fələstinli Məhbuslar Qərargahının bəyanatına istinadən xəbər verir.

“154 fələstinli məhbus müqavilə çərçivəsində azad olunaraq Misir Ərəb Respublikasına təhvil verilir”, – bəyanatda deyilir.

Britaniyanın “İndependent” qəzetinin yazdığına görə, bu qərar azadlığa buraxılanların yaxınları arasında çaşqınlıq yaradıb.

Xatırladaq ki, oktyabrın 13-də ABŞ Prezidenti Donald Tramp Qəzza zolağında müharibənin bitdiyini elan edib. Razılaşma çərçivəsində HƏMAS son israilli girovları azad edib. İsrail isə öz növbəsində 1966 fələstinli məhbusu azad edib.