Hakimə oyunda kənar əşya atıldı: AFFA İntizam Komitəsi klubu cəzalandırdı – VİDEO

Azərbaycan Futbol Federasiyaları Assosiasiyası (AFFA) İntizam Komitəsi “İmişli” klubunu cəzalandırıb və xəbərdarlıq edib.

Oxu.Az qurumun mətbuat xidmətinə istinadla xəbər verir ki, I Liqada 25-cu turun “İmişli” – “Qaradağ Lökbatan” oyununun 42-ci dəqiqəsində meydançaya atılan kənar əşyanın hakimə dəyməsi nəticəsində oyunda 10 dəqiqə fasilə yaranıb. AFFA “İmişli” klubunu 500 manat cərimə edib.

Əlavə olaraq isə oyun zamanı meydançaya kənar şəxs daxil olduğu üçün “İmişli” klubu 80 manat cərimə olunub və komandaya xəbərdarlıq edilib.

Qeyd edək ki, “İmişli” – “Qaradağ Lökbatan” görüşü qolsuz bərabərliklə başa çatıb.

Anar Həsənov