Göygöldə yük və minik maşınları toqquşub, xəsarət alanlar var

Göygöldə yol-nəqliyyat hadisəsi baş verib.

APA-nın yerli bürosunun məlumatına görə, hadisə rayonun girişində qeydə alınıb. Hərəkətdə olan “KamAZ”la minik maşını toqquşub.

Qəza zamanı minik maşınında olanlar – 1961-ci il təvəllüdlü İnqilab Fərəcov və 1981-ci il təvəllüdlü Xəqani Namazov xəsarət alaraq xəstəxanaya yerləşdiriliblər.

Faktla bağlı araşdırma aparılır.