HƏMAS Qəzzadakı girovlara yardım etməyə icazə verəcək: Şərtini açıqladı

Fələstinin HƏMAS hərəkatı Qəzza zolağındakı israilli girovlara humanitar yardımın çatdırılması üçün Beynəlxalq Qızıl Xaç Komitəsi (BQXK) ilə əməkdaşlığa hazır olduğunu bəyan edib.

Aztime.az-ın xəbərinə görə, bu barədə “Reuters” nəşri məlumat verib.

Lakin belə bir koordinasiya hərəkat nümayəndələrinin sözlərinə görə, ancaq İsrail tərəfindən bir sıra şərtlərin yerinə yetirilməsi halında mümkündür.

Xüsusilə, HƏMAS humanitar dəhlizlərin hər zaman açıq saxlanmasını və yardımın paylanması zamanı hava hücumlarının dayandırılmasını tələb edir.

İsrail hakimiyyətinin məlumatına görə, Qəzzada 50-yə yaxın girov qalıb, lakin ehtimal edilir ki, onlardan yalnız 20-yə yaxını sağ ola bilər.