“Kəpəz”dən ayrılan mütəxəssisin yeni iş yeri bilindi

“Səbail” komandasına yeni məşqçi təyin edilib.

Bu barədə “dənizçilər”in mətbuat xidməti məlumat yayıb.

Azər Məmmədov paytaxt təmsilçisində fəaliyyət göstərəcək. 47 yaşlı mütəxəssis baş məşqçi Şahin Diniyevin köməkçisi olacaq.

Qeyd edək ki, Azər Məmmədov son olaraq “Kəpəz”də işləyib. O, noyabrın əvvəlində baş məşqçi postundan istefa vermişdi.