Bakıda qardaşı ilə problemi olan şəxs 20 gündür küçələrdə gecələyir – FOTO

Bakı şəhərində kişi 20 gündür ki, küçədə yaşayır. 

Bu barədə görüntülər sosial şəbəkələrdə yayılıb. 

Həmin şəxs bildirib ki, qardaşı ilə problemi olub və evdən çıxıb:

“20 gündür ki, 6-cı mikrorayonda yağışda, küləkdə çöllərdə qalmışam. Dəmir, plastik qablar yığıb satıram. Gecələr də ocaq qalayıram. Əlimi də ilan vurub”, – deyə kişi bildirib.

Oxu.Az məsələ barədə Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyi ilə əlaqə saxlayıb.

Agentliyin İctimaiyyətlə Əlaqələr Şöbəsinin müdiri Murad Həşimov Oxu.Az-ın sorğusuna cavab olaraq bildirib ki, qurumun əməkdaşları sözügedən vətəndaşın yaşadığı ünvana baş çəkərək qiymətləndirmə aparacaqlar.

Daha çox foto burada: PhotoStock.Az

İlhamə Əbülfət