“Tottenhem” “Aston Villa”nı darmadağın etdi

İngiltərə Premyer Liqasının 10-cu turunda “Tottenhem” “Aston Villa” ilə qarşılaşıb.

Oxu.Az xəbər verir ki, Londonda baş tutan matçda yerli “Tottenhem” qonaqları 4:1 hesabı ilə məğlub edib.

32-ci dəqiqədə “Aston Villa”nın hücumçusu Morqan Rocers hesabı açıb. “Tottenhem”in cavab qolunu hücumçu Brennan Conson vurub. 75-ci dəqiqədə hücumçu Dominik Solanke meydan sahiblərini hesabda önə çıxarıb. Dörd dəqiqə sonra Solanke matçda dubl edib. 90+6-cı dəqiqədə yarımmüdafiəçi Ceyms Meddison hesabı 4:1-ə çatdırıb.

Qeyd edək ki, keçirilən 10 matçdan sonra “Tottenhem” 16 xalla Premyer Liqanın turnir cədvəlində 7-ci yerdə, “Aston Villa” isə 18 xalla 5-ci yerdədir.