Renat Dadaşov baş məşqçisiz qaldı: Volkan Dəmirəl istefa verdi

Türkiyə Superliqası komandalarından “Hatayspor”un çalışdırıcısı Volkan Dəmirəl istefa verib.

Klub çempionatda keçirdiyi son 10 matçda 7 məğlubiyyət, 2 heç-heçə və 1 qələbə qazanaraq aşağı liqa zonasına düşüb.

Sona 4 tur qalmış 33 xalı olan “Hatayspor” hazırda 18-ci pillədədir.

Qeyd edək ki, Azərbaycan millisinin üzvü Renat Dadaşov məhz bu klubun heyətində çıxış edir.